څوچه پاتي یو افغان وي - تل بدا افغانستان وي   |    تا زنده یک افغان است - جاوید افغانستان است
خبرنامه
NEWSLETTER
ابزار
UTILITIES
ورود به کارگاه
MEMBERS LOGIN
تماس با ما
CONTACT US

مات قلم


مستغنی یم ستا له فضل او له کرمه (۱)

ځکه نه لرم له بل چا د څه تمه


که هرڅو دی جلوه پټه ده خلقت کی

له لېمو یی را نژدی د خیال صنمه


ستا د مخ روښانه وړانګو ته په هیله

انتظار هره شېبه ده مغتنمه


دا هستی واړه نیستی ګڼم پوهېږم

په اسرارو د وجود او د عدمه


په سر ځغلم د جانان کوڅی ته ځکه

باک می نشته له داهسی پیچ و خمه


ریاضت می له خرقی لاندی خوندی دی

پټ ساتلی د اغیارو له ستمه


د زړه غم مینځم د اوښکو به خوناب کی

په بڼو کی دی ساتم د سترګو نمه


چی یی راز جف القلم لیکلی نه و

مدعی د عشق نسکور پرېوت له برمه


چی یی ستا د عشق بیان لیکلی نشو

قلم ځکه په سر وچاوده له غمه


«ستانیزی» د سوی زړه لوحه صفا کړه

پر مات سر قلم پرې وکیښ ستا رقمه

۱د مات قلم غزله د ارواښاد محمدنورخان الم کندهاری د تلین تر عنوان لاندی ویرنی وروستی برخه ده

سیف الله فضل

از کتابخانۀ:

سیف الله فضل

نویسنده:

داکتر زمان ستانیزی











| حفظ اطلاعات شخصی| | ما کی استیم؟ | | آرایشگر وبسایت | | شرایط استفاده | | تماس با ما |
Privacy Policy About us WebMaster Terms of Use Contact us