څوچه پاتي یو افغان وي - تل بدا افغانستان وي   |    تا زنده یک افغان است - جاوید افغانستان است
خبرنامه
NEWSLETTER
ابزار
UTILITIES
ورود به کارگاه
MEMBERS LOGIN
تماس با ما
CONTACT US

په ژوند مي نصيب نه سوې جنازې ته دي درځم


په ژوند مي نصيب نه سوې جنازې ته دي درځم
د يار د وصل خياله هـديـرې ته دي درځم
يوه تشه وعده يې د ځوانۍ په بيه غواړم
سوالـګر نه يم اّسمانه چي كاسې ته دي درځم
منم چي تر منزله يې سكر وټـي دي كرلي
دا لار په ما ودانه ده كوڅې ته دي درځم
يوه لحظه دي مخ له رقيبانو پـټـومـه
لمبې خاموشه نه سې تماشې ته دي درځم
دا ستا د ميني اور دى چي محفل رنـګينومه
پانوس رنګه بلېږم بدرګې ته دي درځم
اختيار يـې لـه اقـرار سره جوړه را څخه يو وړ
يو نذر د خليل يمه چړې ته دي درځم
سنـګسار مي رسوا نه كړي مېخانې د خلوتونو
يو شور لا جوړومه غرغړې ته دي درځم
د هوښ پر لارو نه دى جهاني منزل د وصل
جنونه ځان تيار كه زولنې ته دي درځم

حاجی محمد راحت

از کتابخانۀ:

حاجی محمد راحت

نویسنده:

عبدالباري جهاني











| حفظ اطلاعات شخصی| | ما کی استیم؟ | | آرایشگر وبسایت | | شرایط استفاده | | تماس با ما |
Privacy Policy About us WebMaster Terms of Use Contact us