څوچه پاتي یو افغان وي - تل بدا افغانستان وي   |    تا زنده یک افغان است - جاوید افغانستان است
خبرنامه
NEWSLETTER
ابزار
UTILITIES
ورود به کارگاه
MEMBERS LOGIN
تماس با ما
CONTACT US

حقیقي دونیا


څومــره د مینې او صفــا دونیا ده
بې سالوسۍ چــې د هرچا دونیا ده

تل به اخلاص او محبت کــې پایې
په هغه زړه کې چې رښتیا دونیا ده

چې بل تــه شر ځانلـه ارام لټوي
د داسې خلکو نــا روا دونیا ده

په ځان مغروره بې خبر دي له دې
چې دا نیمګړې بې بقا دونیا ده

دلته فــرصت لا د ښېګڼو کــم دی
نه د کینې، بخل او جفــا دونیا ده

یو خوږ خبر به چیرته کله واورې
هلته ته چې حرص او د دونیا دونیا ده

ژوند د اخلاص اوورور ګلوي ښکلی دی
د کوم ماحول چې بې ریا دونیا ده

چې انسانیت پــه نوم رسیږي بل ته
دا حقیقي د رب رضــا دونیا ده

-------------------------------
سمیع الدین افغاني
۸ -۱۰ - ۲۰۱۵
م ۰ کال

سمیع الدین افغاني

از کتابخانۀ:

سمیع الدین افغاني

نویسنده:

سمیع الدین افغاني











| حفظ اطلاعات شخصی| | ما کی استیم؟ | | آرایشگر وبسایت | | شرایط استفاده | | تماس با ما |
Privacy Policy About us WebMaster Terms of Use Contact us